Dəyərli dostlarım,

Nəhayət ki, çoxdankı arzum olan İsmayıl Şirvani haqqında olan internet saytı açıldı. Bu uğuru sizinlə paylaşmaqdan böyük məmnunluq duyuram. İlk növbədə İsmayıl Şirvani irsini araşdıran, 120 illik əqrəba həsrətinə son qoyan Mehmet Rıhtım Bəyə dərin minnətdarlığımı bildirirəm. Bu saytda onun yazmış olduğu kitab istifadə edilmiş və oxumağınız üçün sayta yerləşdirilmişdir. Bu səhifənin ərsəyə gəlməsində böyük əməyi olan Rafael qardaşıma da ayrıca təşəkkürlərimi çatdırıram.

Xüsusilə iki ayrı ölkədə yaşayan əqrəbaların arasında körpü qurucu olaraq keçən il Bakıya, Kürdəmirə qədər gəlmiş olan, İsmayıl Şirvani həzrətlərinin Türkiyədə yaşayan nəvələrindən olan Deniz Kordemir Xalama da şükranlarımı bildirmək istəyirəm. Onun 120 illik fasilədən sonra başlatdığı bu əlaqə zincirləri gün getdikcə daha da möhkəmlənir və genişlənir. Bu arada Deniz Xanıma mərhum həyat yoldaşı İsmet Yaşınel Bəyin vəfatından bütün ailəcə kədərləndiyimizi bir daha bildirir və ona başın sağ olsun deyirik.

Əziz qohumlar, İsmayıl Şirvani nəslinin nümayəndələri, İrsinin araşdırıcıları,

Yeni açılan bu sayt haqqında fikir və düşüncələriniz bizim üçün çox dəyərlidir. Sizdən istəyimiz dəyərli təkliflərinizi info@ismailshirvani.com  elektron poçt ünvanına göndərməyinizdir.

Bundan başqa İsmayıl Şirvani haqqında hər hansı yeniliklər, və ya türbə ziyarətləriniz, şəkilləriniz olarsa saytda dərc etmək üçün göndərməyinizi xahiş edirəm, özünüz haqqında xəbərləri də ehmal etməyin.

Dərin hörmətlə...